Droom Stories - Die Blou Mensies - Afrikaanse Kinderstories geskryf deur Willie Nel en voorgelees deur Blackie Swart.

Die stories is bedoel vir kinders van vier tot tien jaar. Die oudioboek bevat 10 verhaaltjies wat handel oor die wel en weë van die piepklein blou mensies wat bo-op 'n hoë berg bly. Die bestaan van die klein mensies is natuurlik 'n geheim, net die wat na die verhaaltjies luister sal van hulle weet.

Alhoewel die stories fantasie-verhale is, is hulle vry van hekse, drake en toordery. Omdat die stories gemik is op kinders in hul vormingsjare het die stories 'n opvoedkundige ondertoon.

Die Blou Mensies bestaan uit die volgende stories:

1. Die Blou Mensies (inleiding) 1:36
2. Daantjie vlieg 6:18
3. Daantjie en die verkleurmannetjie 4:08
4. Daantjie gaan waterski 6:17
5. Skilpadresies 6:23
6. Daantjie gaan skool toe 6:31
7. Tewis, die vlermuis 5:58
8. Bobbejaanstreke 5:31
9. Daantjie gaan sirkus toe 5:09
10. Die swaeltjie 8:19

"Ek dra die stories op aan my kleinkinders.

Baie dankie aan Blackie Swart wat die stories gelees en die opnames gedoen het. Blackie is nie net 'n bekende sanger nie, maar 'n veelsydige kunstenaar. Baie dankie vir sy pragtige vertolking van die stories.

Dankie ook aan my dogter, Lizette du Preez, vir haar groot aandeel en ondersteuning om die stories te laat opneem.

Ek hoop die kinders geniet die stories net soveel as wat ek dit geniet het om dit te skryf."

- Willie Nel -